Yuklab olishMadridning «Real» klubi bosh murabbiyi Zayniddin Zidan Evropa chempionlar ligasining «Yuventus»ga qarshi finali oldidan futbochlilarni o'ziga xos uslubda ruhlantirishga qaror qildi. U o'yinchilarga motivatsiya berish uchun kino qo'yib berdi. Bu haqda Marca nashri xabar tarqatdi.
Manba bergan ma'lumotga ko'ra, frantsuz mutaxassisi bunin uchun 2006 yilda rejissyor Zak Snayder tomonidan suratga olingan «300 spartalik» filmini tanladi. Futbolchilar kinoning eng yorqin lahzalarini ko'rish imkoniyatiga ega bo'lishdi. Murabbiy bu orqali futbolchilar spartaliklar sardori Leonid va uning jangchilari kabi ruhga ega bo'lishini istagan. Uning fikricha, filmni tomosha qilish futbolchilarga qo'shimcha motivatsiya beradi.
Mazkur film yozuvchi Frenk Millerning asariga asoslangan bo'lib, voqea Fors shohi Kayxusravning minglab askarlarini to'xtatishga muvaffaq bo'lgan 300 spartalik bahodir haqida boradi.
Eslatib o'tamiz, Evropa chempionlar ligasining «Real» va «Yuventus» o'rtasidagi final uchrashuvi 3 iyun kuni Uels poytaxti Kardiffdagi «Millenium» stadionida bo'lib o'tadi. Uchrashuv Toshkent vaqti bilan 23:45da boshlanadi.
Online
Bosh sahifaga