Varan: Ronaldu "Yuventus" bilan o'yin oldidan ajoyib formada

"Real Madrid" himoyachisi Rafael Varan final oldidan intervyu berib o'tdi.

"Men shaxsan o'zim Krishtianuning jismoniy holatini yuqori baxolayman. U har doim g'alaba qozonishni istaydi va har mavsumda o'zining eng yaxshi o'yinlarini ko'rsatib boradi. Shuningdek, u bu mavsumda maydonda muhim ro'l o'ynadi. Hozirgi paytda Ronaldu "Yuventus" bilan o'yin oldidan ajoyib formada. Unda aniqlik yuqorilashdi va bosh bilan ham o'yini kuchaydi. Chempionlar Ligasida g'oliblik boshingdan va yuragingdan chiqib ketmaydi. Uchrashuvni intizorlik bilan kutmoqdaman. Uchrashuvda har bir vaziyat muhim ro'l o'ynaydi va umid qilaman biz o'yinni nazoratimizda ushlaymiz." - deydi Varan.