"Real Sosedad" David Silvaga pasaytirilgan maosh bilan yangi shartnoma taklif qildi

"Real Sosedad" yarim himoyachi David Silva bilan shartnomani uzaytirmoqchi.

Klub 36 yoshli ispaniyalik futbolchiga pasaytirilgan maosh bilan 2023 yilning iyun oyi so'nggiga qadar mo'ljallangan yangi kelishuvga taklif qiladi. Futbolchining o'zi jamoada qolishga qiziqmoqda.

David Silva "Real Sosedad"da 2020 yilning avgustidan beri o'ynaydi. U 2021/22 yilgi mavsum jamoa tarkibida 28ta o'yinda maydonga tushib, 1ta gol va 4ta assist qayd etdi.

Silvaning amaldagi shartnomasi 2022 yilning iyun oyi so'nggiga qadar mo'ljallangan.