Marselo: "Beylga qarshi chalinayotgan hushtakni eshitish og'ir"

Madridning "Real" klubi sardori Marselo La Liganing 31-turi doirasidagi "Xetafe" ustidan qozonilgan g'alaba (2:0) va Garet Beyl manzili tomon yo'llanayotgan hushtak haqida gapirdi.

"Biz o'yin oson o'tayotgandek ko'rsatishga harakat qildik, ammo qiyin bo'ldi.

Beylga qarshi hushtakbozlik? Buni eshitish og'ir edi, lekin futbolchilar va muxlislar birgalikda katta kuchmiz. Biz Garet bilan birgamiz va uni qo'llab-quvvatlaymiz, bu hushtakni eshitish odamni xafa qildi.

Men har doim o'g'limga mana shu libosni kiyganim, "Bernabeu"da o'ynashim, insonlar mening ismimni aytib, baqirayotgani qanchalik baxtli qilishini aytib kelaman – bu aql bovar qilmaydigan omad”, – dedi braziliyalik futbolchi.