Klublar o'rtasidagi JCh. «Real» qiyinchilik bilan finalga yo'l oldi

Birlashgan Arab Amirliklari mamlakatida klublar o'rtasidagi jahon chempionati musobaqasining yarim finalidan o'rin olgan “Al-Jazira” - “Real” uchrashuvi yakuniga etdi.

Yuklab olish

Birlashgan Arab Amirliklari mamlakatida klublar o'rtasidagi jahon chempionati musobaqasining yarim finalidan o'rin olgan “Al-Jazira” - “Real” uchrashuvi yakuniga etdi. Unda “Real” qiyinchilk bilan “Al-Jazira”ni 2:1 hisobida mag'lubiyatga uchratdi.

“Real” birinchi bo'limning o'zida deyarli 20 ga yaqin zarba yo'lladi biroq o'z maqsadiga eta olmadi. “Al-Jazira”ning kam sonli hujumlaridan biri esa 41-daqiqaga kelib gol bilan yakun topdi. Gol muallifi Romarino.

O'yinning ikkinchi bo'limi boshlanishi bilan “Al-Jazira” qarshi hujumga chiqib ketdi va yakunda Ali Mabhut darvozabon Keylor Navas bilan yakkama yakka chiqdi va offsaydda qolgan sherigiga pas berdi va u “Real”darvozasiga to'p kiritgandi. Biroq yuqorida aytib o'tganimizdek, Bussufaning offsayda qolgani sabab ushbu gol inobatga olinmadi. Oradan yana biroz vaqt o'tib, Krishtianu Ronaldu “Al-Jazira” himoyachilarining xatosidan keyin oradagi farqni qisqartirdi. 1:1. 81-daqiqada Garet Beyl zaxiradan maydonga tushdi va o'z qaytishini gol bilan nishonladi. 1:2. O'yin yakuniga qadar yana bir qancha xavfli vaziyatlar sodir etildi. Ammo o'yinning yakuniy natijasi aynan mana shunday hisob bilan yakun topdi va “Real” hamyurtimiz Sardor Rashidov to'p suradigan “Al-Jazira” klubini mag'lubiyatga uchratib, finalda “Gremiu” bilan o'ynash huquqini qo'lga kiritdi.

Klublar o'rtasidagi JCh. 1/2 final.

Al-Jazira OAE – Real Madrid Ispaniya 1:2.

Gollar: 1:0 – 41 Romarino, 1:1 – 53 Ronaldu, 1:2 – 81 Beyl.

Al-Jazira – Xasif (Saif, 51), Fares Djuma, Ayed, Omar, Al-Xammadi (Al-Otayba, 60), Yusef (Al-Gilani, 72), Rashid, Bussufa, Fayez, Mabxut, Romarino.

Real Madrid – Navas, Varan, Marselo, Xakimi, Nacho, Modrich, Kazemiro, Isko (Asensio, 68), Kovachich (Vaskes, 68), Ronaldu, Benzema (Beyl, 81).

Ogohlantirishlar: Ayed (68).