Yuklab olish«Real» himoyachisi Serxio Ramos La liga doirasida o'tgan mavsumda bo'lib o'tgan «Malaga»ga qarshi o'yindan so'ng antidoping qoidasini buzgan, deya xabar tarqatdi Football Leaks.
Der Spiegel nashri «Malaga» – «Real» o'yini doping nazorat bo'yicha vakilning hisobotini e'lon qildi. Bu o'yinda ispaniyalik futbolchi maydonda to'liq harakat qildi.
«Futbolchi Serxio Ramos mendan: "tahlil uchun peshob topshirishdan oldin cho'milsam bo'ladimi?", — deb so'radi. Men unga qoidaga ko'ra bu mumkin emasligini aytdim. Sportchi va "Real" shifokori menga norozilik bildirishdi. Ular menga "Real" futbolchilariga nafaqat UEFA tasarrufi ostida musobaqalarda, balki La liga o'yinlaridan keyin ham doping-testdan oldin yolg'iz holda cho'milish mumkinligini aytishdi.
Men esa bunga ishonmasligimni va futbolchining dushda cho'milishiga ruxsat bera olmasligimni aytdim. Ogohlantirishimga qaramay, futbolchi "Malaga" stadionining doping-nazorat xonasidagi dushda cho'mildi.
Men unga uning bu ishini hisobotga kiritishimni aytdim, ammo Ramos bunga ahamiyat qaratmadi», – deyiladi hisobotda.
Football Leaks tomonidan e'lon qilingan hujjatda aytilishicha, qoidaning ma'lum bandlariga ko'ra, doping tahlil olish uchun mas'ul shaxs sportchining dush qabul qilishi yoki cho'milishiga yo'l qo'ymasligi lozim.
Serxio Ramos mazkur holat yuzasidan kecha quyidagicha tushuntirish berib o'tdi:
«Malaga, 2018 yil aprel oyi. O'yin tugaganidan keyin menga doping-testdan o'tishim kerakligini aytishdi. Uyga qaytish uchun vaqt kamligini inobatga olgan holda mas'ul shaxs mening yuvinishimga ruxsat berdi. Shu bilan birgalikda, u mening yonimda turdi. Shundan so'ng har doimgidek doping-test uchun tahlil topshirdim».
babiy 
Online
Bosh sahifaga