"Yuventus" Dani Alves o'rnini Danilo bilan to'ldirmoqchi

Turinning "Yuventus" klubi "Real" bilan himoyachisi Luis Danilo borasida muzokara o'tkazishni rejalashtirmoqda, bu haqida Cope nashri xabar berib o'tadi.

Oldinroq turinliklar futbolchining agenti bilan bog'lanishgan va muzokara o'tkazgan edi. Endi "biankonerri"lar "Qirollik klubi" bilan ham muzokara o'tkazishni reja qilishgan. 25 yoshli himoyachining agenti hali turinliklar qanday taklif bildirishgani haqida bafurcha ma'lumot berib o'tmagan.

Madridliklar braziliyalik futbolchini 30 mln yevrodan kamiga sotmoqchi emas. Eslatib o'tamiz, Dani Alves ushbu yozda "Yuve" bilan shartnomasini yakunlab erkin agent sifatida boshqa klubga o'tishga yaqin. U uchun asosiy da'vogar "Manchester Siti" bo'lib turubdi.