"Real" "River" futbolchisi bilan shartnoma imzolashga yaqin

"Real Madrid" Ezekel Palasiosni o'z tarkibiga qo'shib olishga yaqin.

Argentinaning TyC Sports nashri xabariga ko'ra tez orada "Qirollik klubi" Ezekel bilan shartnoma imzolaydi. "Madrid" iste'dodli futbolchi uchun 23 mln yevro to'lashga tayyor. "Madrid" Palasiosni sotib olib mavsum oxirigacha "River Pleyt"ga ijaraga bermoqchi. 2019-yilning avgust oyida esa u jamoa tarkibiga kelib qo'shiladi.

Ayni damda 20 yoshli futbolchiga "Barselona" va "Atletiko Madrid" qiziqish bildirmoqda. 5-oktyabrda 20 yoshga to'lgan futbolchi Argentina chempionatida 27 ta o'yinda maydonga tushgan, shuningdek, Libertadores kubogida ham 9 marta maydonga tushdi.

U "River" safida debyutini 16 yoshida nishonlagan va allaqachon Argentina terma jamoasi safiga sentyabr oyida chaqirildi. O'rtoqlik o'yinda Gvatemala va Kolumbiyaga qarshi baxslarda ham maydonga tushishga ulgurgan.

Bobojonov