"Real" argentinalik futbolchiga qiziqmoqda

Madridning "Real" klubi "Veles Sarsfild" yarimhimoyachisi Matias Vargasga qiziqmoqda, bu haqida AS nashri xabar berib o'tadi.

Yuqoridagi nashr xabariga ko'ra "qirollik klubi" skautlari futbolchi borasida hisobot tayyorlashmoqda. Madridliklar argentinalik futbolchini qishgi transferlarda qo'lga kiritmoqchi. Vargas chap qanot hujumkor yarimhimoyachisi hisoblanadi, hozirda unga "Yuventus", "PSJ" va "Liverpul" qiziqmoqda.

21 yoshli futbolchi "Veles Sarsfild" jamoasiga 2015-yil kelgan va hozirgacha 59 o'yinda 12 ta gol kiritgan. Vargas Argentina terma jamoasida ham debyut o'tkazishga ulgurdi. 2018-yil 8-sentyabr kuni Gvatemalaga qarshi o'rtoqlik o'yinda 45 daqiqa harakat qildi.

Bobojonov