Isko: Modrich "Oltin to'p"ga munosib

"Roma"ga qarshi uchrashuvdan so'ng Isko uchrashuvdan so'ng "Real" futbolchisi Isko OAV intervyu berib o'tdi.

"Biz xursandmiz. Yaxshi natija va yaxshi o'yin ko'rsatdik, bundan ham ko'proq gol urishimiz mumkin edi. 30 ta imkoniyat? Biz bundan ham ko'p vaziyatlarga ega bo'lishimiz kerak. Uchrashuvni to'liq nazoratimizda ushlab turdik va o'zimizga imkoniyatlar yarata oldik. Ammo hali hamon bizda kichik xatolar bor, ularni tuzatishimiz uchun esa vaqt yetarli.

Jarimadan kiritgan golimga kelsak men bunday vaziyatlarni yaxshi ijro etaman. Bugun Ramos menga jarimani tepishimga ruxsat berdi va men kiritgan golimdan xursandman. Modrich juda yaxshi formada. Har bitta o'yinda u jamoaga katta yordam beradi va bizning asosiy futbolchimizdir. Yaratgandan biz barchamiz u kabi futbol o'ynashni so'raymiz.

"Oltin to'p" Lukaga berilishi kerak? Men ham shuni xohlayman, xuddi fanatlar kabi. Ochig'i u "Oltin to'p"ga munosib. Bizning va Xorvatiya terma jamoasining asosiy figurasi."

Bobojonov