«Real» Ronalduning transfer narxini e'lon qildi

"Real" yozgi transfer paytida o'z hujumchisi Krishtianu Ronalduni sotishga tayyorlanmoqda.

"Real" yozgi transfer paytida o'z hujumchisi Krishtianu Ronalduni sotishga tayyorlanmoqda. Ko'pgina nashrlar Ronaldu "Madrid"ni tark etmoqchi ekani haqida ma'lumot tarqatmoqda.

"Qirollik klubi" 32 yoshli futbolchini sotib olishni istagan klublar uchun transfer narxini belgilab oldi. "Real" Krishtianu Ronalduni 179,5 mln evroga sotishga tayyor. Bu haqda Marca xabar tarqatdi.

Olingan daromad orqali madridliklar "Monako"dan Kilian Mbappeni sotib olishni rejalashtirmoqda.

Krishtianu Ronaldu o'tishi mumkin bo'lgan jamoa sifatida "Manchester Yunayted" tilga olinmoqda. Portugaliyalik futbolchi bu jamoa safida 2003 yildan 2009 yilgacha to'p surgan.