Xulen Lopetegi UEFA tomonidan top murabbiylar forumida ishtirok etadi

UEFA 4-sentyabr seshanba kuni UEFAning Nyondagi shtab-kvartirasiga top murabbiylar forumiga tashrif buyuradigan murabbiylar ro'yxatini e'lon qildi. Yevropaning eng kuchli murabbiylar shu kuni futbol borasida o'z qarashlari bilan fikr almashadi va boshqa masalalar muhokama qilinadi.

UEFA rasmiy sayti xabariga ko'ra Xulen Lopetegi ham top murabbiylar qatorida ushbu forumda qatnashadi. Shuningdek, ushbu forumda Massimiliano Allegri, Karlo Anchelotti, Rafael Benites, Serjiu Konseysau, Unai Emery, Paulo Fonseka, Rudi Garsiya, Sanyol Guesh, Joze Mourinyo va Tomas Tuxellar qatnashadi. Arsen Venger esa forumda martabali murabbiy sifatida ishtirok etadi.

Ma'lumot uchun, ushbu forumda terma jamoa murabbiylari ishtirok etmaydi, sababi ular FIFA kunlari bois o'z terma jamoalari bilan o'rtoqlik o'yinlarda qatnashishadi.

Bobojonov