Lopetegi: Zidan jamoa bilan katta yutuqlarga erishdi, biroq hozir barchasi ortda qoldi

"Real Madrid" bosh murabbiyi Xulen Lopetegi bugungi final oldidan press-konferensiyada qatnashdi.

"Biz mavsum oldi tayyorgarliklarni yaxshi o'tkazdik. O'ylashimcha, biz finalga tayyormiz. "Atletiko" - ajoyib jamoa, ular ko'p yillardan beri yaxshi murabbiy bilan ishlab kelishmoqda. Ularda aniq bir g'oya bor. Zidan "Real"da ajoyib tarzda ishladi, biroq endi barcha yutuqlar ortda qoldi. Biz ishlashda davom etishimiz va "Real" sovrindor jamoa ekanligini isbotlashda davom etishimiz kerak.

Beyl - ajoyib futbolchi. U mashg'ulotlarda yuqori kayfiyatda tayyorgarlik ko'rdi. Garet g'alabalarga chanqo va jamoaning bir qismi. Men unga ustunlik berishni xohlamayman, sababi eng muhimi - jamoa.

Albatta, men ertaga darvozamizni kim qo'riqlashini bilaman, ammo bu sirligicha qolsin. Biz oldimizdagi hamma sovrinlarni yutib olishimiz kerak. Ertadan bu vazifa boshlanadi."

Bobojonov