Ramos: "Real" Ronaldusiz ham yuta oladi

"Real" himoyachisi Serhio Ramos UEFA Superkubogi oldidan Xulen Lopetegi bilan press-konferensiyada qatnashdi.

"Albatta, top futbolchini yo'qotish yomon, ammo "Real"ning maqsadi g'alaba qozonish shunday ekan biz buni Ronaldusiz ham bajaraveramiz. Yillar davomida jamoaga kuchli futbolchilar kelib ketishdi. Ammo bizning jamoamiz har qanday futbolchidan ustun turadi. Nima ro'y berishidan qat'iy nazar "Real" bu "Real" - bu klub doim g'alaba qozonishi kerak.

"Real"ning eshiklari barchaga ochiq. Yangi futbolchilar bu yerni o'z uylaridek ko'rishlarini xohlaymiz. Ular bu jamoaga bekorga chaqirilishmagan.  Kurtuaning jamoaga kelishi darvozabonlar o'rtasida raqobat yuzaga keltirishi aniq. Uning o'tmishi bilan esa qiziqmayman. Yurgen Klopp haqida nima deyman? Har bir insonning o'z qarashlari bo'ladi. Men yana bir bor aytaman: men maydonda xohlagan payt qo'l bilan harakat qilaman, ammo o'sha vaziyatda Salah birinchi bo'lib menga qo'li bilan intildi, keyin esa o'yindagi xolat".

Bobojonov