Yuklab olish"Real" hujumchisi Karim Benzema faoliyatini Italiya chempionatida davom ettirishi mumkin edi. Uning xizmatiga "Napoli" klubi tomonidan qiziqishlar bo'lgandi.
Ammo "Qirollik klubi" neapolliklarning Benzema borasidagi taklifiga rad javobini berdi. "Napoli"ning yangi bosh murabbiyi Karlo Anchelottining shaxsan o'zi frantsiyalik futbolchi bilan shartnoma imzolanishini istagandi. Italiyalik mutaxassis Benzema bilan "Real"dagi faoliyati orqali yaxshi tanish.
"Qaymoqranglilar" Krishtianu Ronalduni "Yuventus"ga sotib yuborishganidan keyin Benzemani sotishdan bosh tortishdi.
Ma'lumot o'rnida. Karim Benzema 2017/18 yilgi mavsumda Ispaniya chempionati doirasida 32ta o'yinda maydonga tushib, 5ta gol urdi. Frantsiyalik hujumchi 2009 yildan beri "Real" sharafini himoya qilib kelmoqda.
Online
Bosh sahifaga