Yuklab olish«Real» bosh murabbiyi Zayniddin Zidan Evropa chempionlar ligasi finalidan keyin matbuot anjumanida ishtirok etib, jamoa hujumchisi Krishtianu Ronaldu borasida o'z fikrlarini bildirib o'tdi.
— Krishtianu «Real»dan ketishi mumkinligi haqida gapirdi. U qoladimi? Krishtianu bu haqda bugun gapirib, xudbinlik qilmayaptimi?
— Yo'q, men bunday deb o'ylamayman. Hozir biz faqat o'yin haqida, erishgan natijamiz haqida o'ylaymiz. Bor e'tiborimizni shunga qaratishimiz kerak. Keyin esa ko'ramiz. Har doim gapirib kelganman: Krishtianu «Real»da qolishi kerak.
— Krishtianu qolishini tasdiqlaysizmi?
— Hozirgina tushuntirdim: u qolishi kerak, u biz bilan qolishi kerak. U — «Real» futbolchisi. Bu klubda u erishgan natijalarni so'z bilan ta'riflash qiyin.
— Siz uning o'zi bilan gaplishdingizmi, u rostdan ketishni istamoqdami?
— Yo'q, gaplashmadim. Agar u nimadir degan bo'lsa, bu uning so'zlari. Lekin hozir biz faqat qo'lga kiritilgan g'alabadan maroqlanishimiz kerak. Balki, oradan 3-4 kun o'tib Krishtianu yana nimadir der, ammo hozir bu haqda gapirishning mavridi emas.
Zofik 
Online
Bosh sahifaga