Ronaldu "Real" uchun so'nggi 10 uchrashuvda 20 ta gol kiritdi

"Real" forvardi Krishtianu Ronaldu 2018-yilni o'ta omadli tarzda boshladi va mazkur muvaffaqiyatli yurishini hamon davom ettirmoqda.

Portugaliyalik goleador Madridliklar safida so'nggi 2 oyda o'zi ishtirok etgan 10 uchrashuvda 20 ta gol (o'rtacha har uchrashuvda 2 tadan) kiritishga muvaffaq bo'ldi. U dastlab 10-fevral kuni "Real Sosiedad"ga qarshi xet-trik qayd etgan bo'lsa, keyinchalik "PSJ"ga qarshi dubl, "Betis"ga qarshi bitta gol, "Alaves" hamda "Xetafe"ga qarshi dubl, "PSJ"ga qarshi yana bitta gol, "Eybar"ga qarshi dubl hamda "Jirona"ga qarshi pokerga erishgan.

Shuningdek so'nggi 2 uchrashuvda ham "Yuventus"ga qarshi dublga erishgan bo'lsa, Madrid derbisida so'nggi 2 oydagi gollari sonini (faqat klub miqyosida) 20 taga yetkazib qo'ydi.

RealBlancos