EChL. Chorak final qur'asi haqida barcha narsa

Evropa chempionlar ligasining nimchorak final bosqichi ortda qoldi. Navbat — chorak final uchun tashlanadigan qur'aga.

Evropa chempionlar ligasining nimchorak final bosqichi ortda qoldi. Navbat — chorak final uchun tashlanadigan qur'aga. Qur'a haqida foydali ma'lumotlarni e'tiboringizga havola qilamiz.

Chorak finalga chiqqan jamoalar
"Barselona" (Ispaniya)
"Bavariya" (Germaniya)
"Liverpul" (Angliya)
"Manchester Siti" (Angliya)
"Real" (Ispaniya)
"Roma" (Italiya)
"Sevilya" (Ispaniya)
"Yuventus" (Italiya)

Qachon va qaerda?
Chorak finalga qur'a tashlash marosimi ertaga, 16 mart kuni UEFA qarorgohi joylashgan Shveytsariyaning Non shahrida bo'lib o'tadi. Marosim Toshkent vaqti bilan 16:00da boshlanadi. Oradan 1 soat o'tib Evropa ligasining chorak final bosqichiga qur'a tashlash marosimi boshlanadi.

Qur'a mexanizmi
Qur'adan oldin jamoalar savatchalarga ajratilmaydi. Qur'a "ko'r-ko'rona" tamoyili asosida o'tkaziladi. Bir mamlakat jamoalari o'zaro to'qnash kelishlari mumkin. Qur'a jarayonida nomi birinchi chiqqan jamoa chorak finalning dastlabki bahsini o'z maydonida o'tkazadi.

Qur'ani qaerda tomosha qilish mumkin?
FUTBOL TV qur'a marosimini jonli efirda translyatsiya qilishni rejalashtirgan.

Qur'a jarayonida kimlar ishtirok etadi?
UEFA mas'ul xodimlaridan tashqari Evropa chempionlar ligasi finali elchisi — Andrey Shevchenko.

O'yinlar qachon o'tkaziladi?
Dastlabki o'yinlar 3 va 4 aprel, javob bahslari esa 10 va 11 aprel kunlari bo'lib o'tadi. To'liq taqvim qur'adan keyin aniq bo'ladi.

Navbatdagi o'yinlar:
Chorak final: 3/4 va 10/11 aprel
Yarim finalga qur'a: 13 aprel
Yarim final o'yinlari: 24/25 aprel va 1/2 may
Final: 26 may, shanba, Kiev, "Olimpiyskiy" stadioni