Ronaldu primeradagi 300-golini urdi, buning uchun unga Messidan 41 ta o'yin kamroq kerak bo'ldi

"Real" hujumchisi Krishtianu Ronaldu Ispaniya chempionati o'yinlarida 300-golini urdi.

"Real" hujumchisi Krishtianu Ronaldu Ispaniya chempionati o'yinlarida 300-golini urdi.

Portugaliyalik futbolchi "Alaves"ga qarshi o'yinda (4:0) dublga erishdi. Uning ikkinchi goli yubiley gol bo'ldi.

Ronaldu "Real" safida primeradagi 285-o'yinini o'tkazdi. U 300-golini "Barselona" hujumchisi Lionel Messidan ko'ra tezroq urishga muvaffaq bo'ldi.

Argentinalik futbolchi hisobida hozir primeraning 406 o'yinida urilgan 369 ta gol bor. U 300-golini 326-o'yinida urgan edi.

Shu tariqa, Ronaldu 300lik dovonni bosib o'tishi uchun Messidan 41 ta o'yin kamroq sarfladi. Portugaliyalik har o'yinda o'rtacha 1,05 ta gol uradi.