"Real" ushbu mavsumda barcha turnirlarda 103 ta gol kiritdi

Madridning "Real" klubi "Alaves" darvozasiga 4 ta to'p kiritganidan so'ng ushbu mavsumdagi 103-golini kiritdi.

Bu orqali "Madrid" boshqa bir ispan klublari ichida birinchilardan bo'lib 100 ta gollik marraga yetgan klubga aylandi. Hali boshqa hech bir ispan klubi ushbu mavsumda 100 ta gol kiritishga ulgurmadi. Zidan jamoasi 43 ta turli xil turnirlarda maydonga tushib, ushbu natijaga erishdi. O'rtacha har bir uchrashuvda 2,4 ta goldan to'g'ri kelmoqda.

Hozircha tarkibdagi 21 nafar futbolchidan 15 tasi ushbu mavsumda gol kiritishga ulgurdi. Krishtianu Ronaldu jamoaning eng yaxshi to'purari (28), undan keyin Marko Asensio va Beyl (10), Benzema (8), Isko va Lukas Vaskez (7). Keyingi o'rinlarda Mayoral (5), Kazemiro (5), Nacho (4), Kroos (4), Ramos (4), Marselo (3), Sebalyos (2), Modrich (2) va Ashraf (1). Jamoada gol urmagan futbolchilar xozircha Teo Ernandez, Xesus Valexo, Rafael Varan, Markos Llorente, Mateo Kovachich va Daniel Karvaxal bo'lib turubdi.

Bobojonov