Emery: "Marsel" va "Real" Parijda ularni bu yerda nima kutayotganini bilishmaydi

"PSJ" ustozi Unai Emery "Marsel" va "Real" bilan o'yindan oldin muxlislarni qo'llab-quvvatlashga chorladi.

"Bu mavsumda ko'p o'yinlarda o'zimizni nimalarga qodir ekanligimizni ko'rsatdik, ayniqsa "Park de Prens"da. Biz bu yerda katta kuchga ega ekanligimizni xis etamiz, sababi, bu yerda ketma-ket 17 ta o'yinda g'alaba qozonib kelayapmiz. "Marsel" va "Real" Parijga qanday kelishlarini bilishadi, ammo ular bu yerda ularni nima kutayotganini bilishmaydi. Bu o'yinlar biz uchun juda muhim, sizning qo'llab-quvvatlashingiz kabi. Mening jamoam bunday o'yinlarda qanday o'ynashni biladi va o'ziga ishonadi. Bu o'yin "PSJ" tarixidan joy oladi", - deydi murabbiy.