Benzema "Betis" darvozasiga mehmonda ketma-ket 3 ta o'yindan beri gol urib kelmoqda

Fransiyalik hujumchi Karim Benzema "Real"ning ushbu turdagi raqibi "Betis" klubining "shinavandasi" hisoblanadi.

Ya'ni hujumchi "Betis" stadioniga safar qilgan so'nggi 3 ta uchrashuvda gol kiritishga muvaffaq bo'lgan. "Benito Vilyamarin" stadionidagi bu seriya 2014-yil yanvar oyida boshlangan. 2016-yil esa bu seriya davom etdi va Karimning goli jamoaga durang olib kelgan edi. O'tgan mavsumda madridliklar bu stadionda 1:6 hisobida g'alaba qozongan bo'lib, o'yindagi 2-golni aynan Benzema o'z nomiga yozdirib qo'ygan. Umumiy hisobda Karim Mustafo "Betis"ga qarshi 9 marta maydonga tushib 6 ta to'p kiritishga erishgan.

Eslatib o'tamiz, 1-davrada "Betis" klub "Santiago Bernabeu"da "Real"ni (0:1) hisobida taslim etgan edi.