La liga. «Real»dan yirik g'alaba, Ronaldudan «xet-trik»

Ispaniya La-ligasining 23-turi doirasida «Real» o'z maydonida «Real Sosedad»ni qabul qilib, yirik hisobda g'alaba qozondi.

Ispaniya La-ligasining 23-turi doirasida «Real» o'z maydonida «Real Sosedad»ni qabul qilib, yirik hisobda g'alaba qozondi.

Madridliklar 1-daqiqadayoq hisobni ochishga muvaffaq bo'lishdi. Lukas Vaskes o'z imkoniyatidan samarali foydalandi. Bu esa "Qirollik klubi"ning ishini ancha osonlashtirib yubordi.

Natijada tanaffusga qadar mezbonlar Ronalduning ikkita, Kroosning bitta goli evaziga raqib darvozasiga yana 3 marta yo'l topishdi.

Tanaffusdan keyin basklar "Real" darvozasiga 2ta to'p kiritishga muvaffaq bo'lishdi. Krishtianu esa o'yin tugashiga 10 daqiqa qolganida o'z hisobiga yana bitta gol yozib, o'yinda "xet-trik"ni rasmiylashtirdi.

Ushbu g'alabadan keyin "Real" o'z ochkolarini 52taga etkazib, jadvalda 3-o'ringa ko'tarilib oldi.

Ispaniya La ligasi, 23-tur
Real Madrid – Real Sosedad 5:2 (4:0, 1:2)
Gollar: 1:0 – 1 Vaskes, 2:0 – 27 Ronaldu, 3:0 – 34 Kroos, 4:0 – 37 Ronaldu, 4:1 – 74 Bautista, 5:1 – 80 Ronaldu, 5:2 – 83 Ilyarramendi.
Real Madrid – Navas, Karvaxal, Varan, Ramos, Marselo, Vaskes (Isko, 63), Modrich (Kovachich, 63), Kroos, Asensio (Beyl, 73), Benzema, Ronaldu.
Real Sosedad – Ruli, Odriosola, Elustondo, Navas, de la Belya, Kanales (Bautista, 60), Ilyarramendi, Surutusa (Subeldiya, 60), Oyarsabal, Prieto, Xuanmi (Guridi, 83).
Ogohlantirishlar: de la Belya (47), Karvaxal (49), Kovachich (90).