AS: "Real" yozda Neymarni sotib olmoqchi

"Real" mavsum yakunida "PSJ" hujumchisi Neymarni sotib olmoqchi, bu haqida AS nashri xabar beradi.

Madridliklar 25 yoshli braziliyalik futbolchi uchun shartnoma tayyorlamoqda. Unga ko'ra "Real" Neymarning maoshini kamaytirishini kutmoqda, ammo unga turli xil bonuslar taqdim qilishni rejalashtirmoqda.

 Hozirgi kunda Neymar yiliga 37 mln yevro maosh oladi, bu esa Lionel Messidan keyin ikkinchi natija (50 mln). "Real Madrid"da eng ko'p maosh oluvchi futbolchi Krishtianu Ronaldu (21 mln yevro). "Qirollik klubi" 33 yoshli futbolchini Neymar transferiga qo'shishni ko'zlamoqda.