Goleador Nacho

"Real Madrid" himoyachisi ushbu mavsumda jamoaning muhim futbolchilaridan biri ekanligini ko'rsatmoqda. Ispaniyalik futbolchi hozirgi kunda "Real"da Kazemirodan keyin eng ko'p o'yin amaliyotiga ega bo'layotgan futbolchi sanaladi. Nacho himoyada yaxshi turishdan tashqari hujumda ham o'zini ko'rsatmoqda. Ushbu mavsumda himoyachi 4 ta gol kiritishga muvaffaq bo'ldi.

"Deportivo"ga qarshi o'yinda esa faoliyatidagi birinchi dublni qayd etdi. Shuningdek, "APOEL" va "Sevilya"ga qarshi o'yinda ham Nacho o'z hisobiga gol yozdirib qo'ya oldi.