Zidan Moratani jamoada saqlab qolmoqchi

"Real Madrid" bosh murabbiyi Zinedin Zidan hujumchi Alvaro Moratani klubdan ketish g'oyasidan qaytarishga harakat qilmoqda.

Zidan prezident Florentino Peresga tayangan xolda Moratani jamoada saqlab qolish niyatida. Fransiyalik mutaxasis 24 yoshli hujumchiga muntazam o'yin amaliyoti berishga va'da qilmoqda.

2016/17-yilgi mavsumda Morata barcha turnirlarda 42 o'yinda maydonga tushdi va 20 ta to'p kiritdi. Klubda faqatgina Ronaldu undan ko'proq gol kiritgan. "Leganes" darvozasiga xet-trik, "Granada"ga dubl, "Riasor"dagi gol, "El-Molinone"dagi gollar "Real"ning La Ligada 33-marta chempionlik bo'lishi uchun ulkan yordam berdi. Ammo bu gollar Zidan uchun Alvaro asosiy tarkib hujumchi bo'lishiga yetarli bo'lmadi chog'i futbolchi hali hamon "9"-raqam egasi emas.

Ma'lumotlarga ko'ra, "Milan" Morata uchun 60 mln yevro taklif etmoqda va futbolchining o'ziga 7,5 mln yevro maosh takli etdi. Alvaro ham boshqa grand klublarining takliflarini rad etgan xolda "rossanerri" bo'lishni xohlamoqda.