Mbappe nima uchun "Real"ga o'tmaganini aytib o'tdi

"PSJ" forvardi Kilian Mbappe Ispaniyaning Marca nashriga intervyu berib o'tdi. Unda hujumchi nega "Real"ga ko'chib o'tmaganini aytib o'tadi.

"Men "Real"ning taklifini rad etdim, sababi "PSJ" - mening shahrim jamoasi. Men parijliklar safida to'p surishni istadim va bu yerda ekanligimdan baxtliman. Transferlar borasida ko'p mish-mishlar bo'ldi, biroq haqiqatdan biz "Qirollik klubi" bilan muzokaralarga kirishgan edik. Endi hammasi ortda qoldi, men "PSJ" futbolchisiman va kelajakda 100% shu klub ramzini himoya qilaman", - deydi fransiyalik hujumchi.