Kavani, Messi, Lewandowski va Ronaldu 2017-yil hisobi bo'yicha 53 tadan gol kiritishgan

"PSJ" hujumchisi Edinso Kavani Fransiya chempionatining 19-turida "Kan" darvozasiga bitta to'p kiritishga muvaffaq bo'ldi va 2017-yilda gollari sonini 53 taga yetkazib oldi.

Bu orqali "El Matador" Lionel Messi ("Barselona"), Krishtianu Ronaldu ("Real Madrid") va Robert Lewandowski ("Bavariya") larga gol kiritish bo'yicha tenglashib oldi. Yuqoridagi futbolchilar ham 2017-yil hisobi bo'yicha 53 tadan to'p kiritishdan. Endilikda Kavani va Lewandowski 2017-yilda boshqa maydonga tushishmaydi, Ronaldu va Messi 23-dekabr kuni o'zaro "El Klassiko"da kuch sinashadi.

Shuningdek, "Tottenhem" hujumchisi Xarri Keyn kalendar yilida 50 ta gol kiritgan va unda ushbu yilda yana 2 ta o'yinda maydonga tushish imkoniyati bor.