Zidan: Varan shanba kuni o'ynamaydi

O'yin haqida:

"Biz uchrashuvni yaxshi boshladik, ikkita tezkor gol kiritdik, ammo Varanning jarohatidan so'ng bizda muammolar yuzaga kela boshladi. Lukas va Sebalyos ajoyib harakat qilishdi. "Madrid" pley-offga yaxshi kayfiyatda yo'l olganidan xursandman. Ishonchim komil, yangi yildan so'ng jamoa yaxshi formada bo'ladi. Dushanba kuni biz 1/8 finaldagi raqibimizni aniqlab olamiz, lekin ishonchim komil bizni jiddiy raqib kutib turubdi. Meni kim bilan raqib bo'lishimiz qiziqtirmaydi."

"PSJ" haqida:

"Men qur'a haqida o'ylamayapman, bizni shanba kuni Primeroda murakkab o'yin kutib turubdi. "PSJ" hozirda ajoyib formada. To'g'risi hozirda bu haqida gapirishni xohlamayman."

Varan va Valexo haqida:

"Rafaelda kichik jarohat yuzaga keldi. Ertaga biz uni qanday xolatda ekanligini bilib olamiz. Rafa hammasi joyida ekanligini aytdi, lekin biz u bilan tavakkal qilishni istamaymiz. Shanba kuni u aniq maydonga tushmaydi. Valexo borasida qarorni uchrashuvdan oldin qabul qildim, Llorente uning o'rnida yaxshi harakat qildi. Kuzatamiz...

Keylor Navas haqida:

"Menda ikkita darvozabon bor va men "Madrid" murabbiyi sifatida har doim aytib kelaman, ikkala darvozabonimdan ham qoniqmoqdaman."

Sebalyos haqida:

"Men uning xolatidan qoniqmoqdaman. Bundan o'yinga kirishib ketish oson emas, lekin Sebalyos va Llorente ajoyib tarzda harakatlandi."

Qishgi transferlar haqida:

"Bizda yangi futbolchilar harid qilish borasida imkoniyat bor. Transfer oynasi 1-yanvardan 31-yanvarga ochiq, demak kuzatamiz nimalar sodir bo'lar ekan."