Peres qishda hujumchi sotib olishga qaror qildimi?

Yozgi xatolar qishda to'g'irlanadimi yoki...

Dushanba kuni "Madrid" prezidenti Florentino Peres bosh murabbiy Zinedin Zidan va bosh direktor Xose Anxel Sanches bilan uchrashuv o'tkazishgan. Marca nashrining xabariga ko'ra suxbat asosan jamoaning hozirgi yomon natijalar borasida bo'lib o'tgan.

Bosh murabbiy Zidan va Sanches Peresni qishgi transferlarda hujumchi sotib olishga ko'ndirishgan. Ammo "qaymoqrang"lilar qishgi transferlarda futbolchi sotib olish bo'yicha tajribasi yo'q yoki bo'lmasa "omadsiz" (Adebayor, Kassano va Lukas Silva).

"Qirollar"ning asosiy maqsadi "Inter" forvardi Mauro Ikardi. Madridliklarning Timo Vernerdan voz kechishiga asosiy sabab Verner "Leipzig" tarkibida Chempionlar Ligasida ishtirok etishga ulgurdi, Ikardi esa yevrokuboklarda ishtirok etganicha yo'q. 24 yoshli hujumchining tovon puli 100 mln yevro qilib belgilangan.

Shuningdek, "Atletik" darvozaboni Kepa Arrisabalaga ham qishda kelishi kutilmoqda. 23 yoshli golkiperni "Real" yozgacha kutib o'tirmoqchi emas, shu qishdayoq xarid qilmoqchi.