Ramos, Karvaxal va Kazemiro "Sevilya"ga qarshi uchrashuvni o'tkazib yuboradi

"Atletik Bilbao"ga qarshi o'yinda bir nechta futbolchilar sariq kartochkalar va qizil kartochka ishlab olishdi, bu esa albatta keyingi o'yinga ta'sir o'tkazmasdan qolmaydi.

Xususan, xavbek Kazemiro va himoyachi Daniel Karvaxal ushbu mavsumdagi beshinchi sariq kartochkasini muvaffaqiyatli tarzda ishlab olishgan bo'lsa, Serhio Ramos 19-qizil kartochkasini ham olib bira to'la rekord o'rnatib qo'ydi.

Endilikda, yuqoridagi uchchala futbolchi Ispaniya chempionatining 15-turidan o'rin olgan "Sevilya"ga qarshi uchrashuvni o'tkazib yuboradi. Ma'lumot uchun, hozirda "Real Madrid" va "Sevilya" bir xil 28 ochko bilan 4 va 5-o'rinlarni bo'lishib turubdi.