"Real Madrid", Zidan, Ronaldu va Ramos "Globe Soccer 2017" g'olibligi uchun nomzodlar safiga kiritildi

Madridning "Real" klubi va uning 3 nafar a'zolari "Globe Soccer 2017"ning bir necha yo'nalishlarida yil mukofotlarini qo'lga kiritish uchun da'vogarlik qilmoqdalar.

Jumladan "Real Madrid CF" "Yilning eng yaxshi jamoasi" bo'lish uchun nomzod hisoblansa, Krishtianu Ronaldu hamda Serhio Ramos "Yilning eng yaxshi futbolchisi" uchun atalgan sovringa da'vogarlik qilmoqdalar. Jamoa bosh murabbiyi Zinedin Zidan esa "Globe Soccer 2017" tasnifiga ko'ra "Yilning eng yaxshi murabbiyi"ga aylanish imkoniga ega bo'lib turibdi. G'oliblar yil yakunida 28-dekabr kuni Dubaida e'lon qilinadi va taqdirlanadi.

Madridistlar mavjud yo'nalishlardagi barcha nomzodlar bilan tanishing:

"Yilning eng yaxshi jamoasi": "Real Madrid", "Manchester Yunayted" va "Mónaco".

"Yilning eng yaxshi murabbiyi": Zidan ("Real Madrid"), Conte ("Chelsea"), Allegri ("Yuventus") va Mourinyo ("Manchester Yunayted").

"Yilning eng yaxshi futbolchisi": Ronaldu, Ramos ("Real Madrid"), Buffon, Dibala ("Yuventus"), Messi ("Barselona"), Neymar ("PSJ") va Mbappe ("Mónaco").

RealBlancos