Teo "Fuenlabrada"dagi qarshi o'yinda 13 marta to'pni yo'qotdi

Fransuz o'ziga berilgan imkoniyatdan unumli foydalana olmadi.

"Real" bosh murabbiyi Zinedin Zidan Qirol kubogi "Fuenlabrada"ga qarshi o'yinda kam o'yin amaliyotiga ega bo'layotgan futbolchilarga imkoniyat bergan paytda futbolchilar bu imkoniyatdan foydalana olishmadi.

Xususan fransiyalik himoyachi Teo Ernandez butun uchrashuv davomida 90 daqiqa harakat qildi (jami 4 ta o'yinda 90 daqiqa maydonga tushgan: "Levante", "Real Sosedad", Eybar" va "Fuenlabrada"). So'nggi uchrashuvdagi xatti-harakatlari futbolchining yaxshi tomonlarini ko'rsatmadi. Statistikaga qarasak u butun uchrashuv davomida bor yo'g'i 2 marta raqiblardan to'pni olib qo'ydi va biror marta ham raqiblarni aldab o'ta olmadi.

30 mln yevrolik yosh futbolchi 90 daqiqa davomida 13 marta to'pni yo'qotib qo'ygan, albatta bu ko'rsatgich orqali Marseloga raqobatchi bo'lish murakkab.