La liga. «Real» katta qiyinchilik bilan g'alaba qozondi

Ispaniya chempionatining 13-turi doirasida "Real" o'z maydonida jadvalda 18-o'rinda borayotgan "Malaga"ni qabul qildi va juda qiyin g'alabani qo'lga kiritdi.

Yuklab olish

Ispaniya chempionatining 13-turi doirasida "Real" o'z maydonida jadvalda 18-o'rinda borayotgan "Malaga"ni qabul qildi va juda qiyin g'alabani qo'lga kiritdi.

Mezbonlar tezkor gol urishga muvaffaq bo'lishdi. 9-daqiqada Marselo chap qanotdan etkazgan uzatmaga Ronaldu olis ustun tomonda bosh bilan zarba berdi. To'singa tegib erga tushgan to'pni Benzema bosh bilan bo'sh qolgan darvozani ishg'ol qildi.

Oradan 9 daqiqa o'tib malagaliklar hisobni tenglashtirishdi. Ramossiz harakat qilayotgan "Madrid"ning markaziy himoyasida bo'shliq yuzaga keldi va bundan Diego Rolan unumli foydalandi. "Real" hisobda oldinga chiqib olishi uchun 3 daqiqa etarli bo'ldi. Burchakdan etkazilgan uzatmani Kazemiro bosh bilan darvozaga joylab qo'ydi.

Birinchi bo'limga qo'shib berilgan daqiqalarda "Malaga" raqib darvozasini ishg'ol qildi, ammo hujumchi bosh bilan zarba berayotgan paytda qo'lini Varanning elkasiga qo'ygani bois, hakam golni inobatga olmadi. Shunga qaramay, mehmonlar uchrashuvning 58-daqiqasida hisobni tenglashtirishga muvaffaq bo'lishdi. Chori Kastro 23 metrlardan bergan kuchli zarbani Kiko Kasilya qaytara olmadi — 2:2.

Oradan ko'p o'tmasdan Ronaldu jamoasini hisobda oldinga olib chiqishi mumkin edi, ammo u juda yaqin masofadan darvozaga zarba bera olmadi. Bahsning 75-daqiqasida zaxiradan tushganiga ko'p bo'lmagan Luka Modrich penalti ishlashga muvaffaq bo'ldi. Krishtianu Ronalduning 11 metrli jarima nuqtasidan yo'llagan zarbasini "Malaga" posboni qaytardi, ammo portugaliyalik futbolchi qaytgan to'pni darvozaga joylashga muvaffaq bo'ldi.

"Real" mana shu gol tufayli muhim bo'lgan 3 ochkoni qo'lga kiritdi va o'z ochkolarini 27taga etkazib oldi.

Ispaniya La ligasi, 13-tur
Real Madrid – Malaga 3:2 (2:1, 1:1)
Gollar: 1:0 – 9 Benzema, 1:1 – 18 Rolan, 2:1 – 21 Kazemiro, 2:2 – 58 Chori Kastro, 3:2 – 76 Ronaldu.
Noaniq penalti: Ronaldu (75, darvozabon)
Real Madrid – Kasilya, Varan, Marselo, Karvaxal, Valexo, Vaskes, Kazemiro, Kroos (Teo, 81), Isko (Modrich, 62), Benzema (Mayoral, 89), Ronaldu.
Malaga – Roberto, Diego Gonsales, Xuankar (Bess, 36), Rosales, Ernandes, Keko (Anor, 66), Gonsales, Resio, Chori Kastro, Penyaranda (Baston, 61), Rolan.
Ogohlantirishlar: Penyaranda (29), Gonsales (43), Marselo (45).