Benzema Chempionlar Ligasining to'purarlar ro'yxatida 6-o'ringa ko'tarilib oldi

Fransiyalik hujumchi Karim Benzema "APOEL" darvozasiga ikkita to'p kiritdi va Chempionlar Ligasi tarixiga o'z nomini yozdirib qo'yishda davom etmoqda.

Chempionar Ligasida Karim allaqachon 53 ta to'p kiritdi va vatandoshi Tery Anrini ortda qoldirib, CHL tarixidagi 6-to'purarga aylandi. Shuningdek, bu orqali u Fransiya tarixida CHL eng ko'p gol kiritgan futbolchi unvoni ham qo'lga kiritdi. Benzema  "Real" tarkibida (41) va "Lion"da (12) ta gol kiritgan. Karimning CHL to'purarlar ro'yxatida navbatdagi o'ljasi Andrey Shevchenko bo'lib turubdi. Hozirda Shevada 59 ta gol mavjud.

Benzema shuningdek, "Real" to'purarlar ro'yxatida ham klub afsonasi Fransisko Xentoni ortda qoldirib 7-o'ringa mustahkam o'rnashib oldi.

Benzemani barcha turnirlarda "Real" uchun kiritgan gollari: La Liga (123), CHL (41), Qirol kubogi (15), KJCH (3) va Ispaniya Superkubogi (2). Karim Mustafoning klub to'purarlar ro'yxatidagi navbadagi nishoni Ugo Sanches (208 ta gol).