«Real» hakamdan norozi bo'ldi

«Real» Ispaniya La ligasining 12-turi doirasida «Atletiko»ga qarshi o'yinni (0:0) boshqarib borgan hakam David Borbalanning qarorlaridan norozi bo'ldi.

«Real» Ispaniya La ligasining 12-turi doirasida «Atletiko»ga qarshi o'yinni (0:0) boshqarib borgan hakam David Borbalanning qarorlaridan norozi bo'ldi.

«Vanda Metropolitano» stadionida bo'lib o'tgan o'yindan keyin "Qirollik klubi" kiyinish xonasidan norozilik ohangidagi fikrlar yangradi: «Shunday bo'lishini bilardik. Hakam o'yinni shunday boshqarishi bilardik».

Shanba kuni bo'lib o'tgan o'yinda Borbalan «Atletiko» darvozasiga 2ta penalti belgilashi mumkin edi: birinchisi — Lyuka Ernandes Serxio Ramosning burniga tepib sindirga vaziyatda, ikkinchisi — Diego Godin ishlatgan fol uchun.

Bundan tashqari, «Real»ning fikricha, Stefan Savich Toni Kroosga nisbatan ishlatgan qo'polligi sariq kartochka emas, qizil kartochkaga munosib edi. Anxel Korrea ataylab to'pni maydonda yotgan Karim Benzemaning boshiga tepgani uchun ogohlantirilmagan.

«Real» avgust oyida «Valensiya»ga qarshi o'yindan (2:2) keyin ham Borbalanning harakatlaridan norozi bo'lgandi. O'shanda Dani Parexo jarima maydonchasi ichida Benzemaga nisbatan qoidabuzarlik qilganida 11 metrli jarima zarbasi belgilanmagandi.