Zidan: "Barselona" doimo g'alaba qozona olmaydi

"Atletiko Madrid"ga qarshi uchrashuvdan so'ng Zinedin Zidan press-konferensiyada qatnashdi.

O'yin haqida:

"Biz bundan ko'prog'iga loyiq edik, buni o'yin orqali ko'rsatdik. Ko'rsatilayotgan o'yin, to'pni o'zida saqlab turish biz uchun muhim. Biz gol ura olmadik, bu borada futbolchilarimni ayblamayman. Dastlabki taymni yomon o'tkazmadik. To'g'risini aytsam bu kechada biz ko'proq narsa olmoqchi edik, biroq..."

Quruq o'yin haqida:

"Bu meni xavotirga solmaydi. Biz gol kiritishga yaqin keldik, ammo raqiblar yaxshi harakat qildi. Keyingilari bundan yaxshi bo'ladi, ishonchim komil. Bu futbol, to'p darvozaga kirishni istamadi. O'yin menda yaxshi ta'surot qoldirdi, chunki biz yaxshi o'ynadik."

"Barselona" bilan oradagi farq haqida:

"Ishonchim komil, ular ham qoqilishadi. Kataloniyaliklar har doim g'alaba qozona olmaydi. Biz o'z ishimizni qilishda davom etishimiz kerak. Xa, 10 ochko katta farq, biroq bu farqni yo'qqa chiqarsa bo'ladi. Bu xolat yuzasidan qo'rqinchli xolat ko'rmayapman. Oldinda uchrashuvlar ko'p. "Barselona" ham ochko yo'qatadi va biz bundan unumli foydalanishimiz kerak. "

Isko haqida:

"U yaxshi o'yin o'tkazdi. Lekin men faqat undan emas qolgan futbolchilardan ham qoniqish xosil qildim."

Penalti haqida:

"Men o'sha vaziyatni ko'rmay qoldim va bu haqida gapirishni istamayman. Hakamlar o'z ishini qilishdi."

Muxlislarga aytar so'zi:

"Men o'z ishimni davom ettirishni istayman, bu futbol. Hammasi tezda o'zgarib ketadi, ammo biz oxirigacha kurashamiz. Men sizlarga buni va'da beraman!".