Yuklab olish«Real» hujumchisi Karim Benzema jamoaning sobiq bosh murabbiyi Joze Mourino bilan munosabati nima uchun yomonlashganini aytib o'tdi.
Mourino matbuot anjumanlarining birida kam gol urayotgan Benzemani mushukka tenglashtirgandi: «Agar itingiz bor bo'lsa, u bilan ov qilganingiz yaxshi. Itingiz yo'q bo'lsa, unda mushuk bilan ov qilishga to'g'ri keladi».
«Mourino bilan munosabatlarimiz yaxshi edi. Ammo uning so'zlaridan keyin hammasi yomonlashgandi. Bu gaplar u uchun kulgili bo'lishi mumkin, ammo shundan so'ng men uni hurmat qilmay qo'ydim.
O'shanda men unga o'z fikrimni aytgandim. Biz bir soat gaplashgandik: «Ya futbolchiman, siz esa mening murabbiyimsiz. Men sizni hurmat qilaman, siz ham meni hurmat qiling. O'shandan keyin Joze hech qanday mushuk, it va boshqa narsalar haqida gapirmagandi.
Men xotirjamman, lekin uzr so'rash kerak bo'lsa, men buni to'g'ridan-to'g'ri gapiraman. Gapirishdan oldin o'ylab olsang, hammasi yaxshi bo'ladi», – dedi Benzema.
Online
Bosh sahifaga