Fransiyaning SFR Sport nashri xabariga ko'ra "Madrid" rahbarlari "Lion" lideri Nabil Fekirning xizmatlariga katta qiziqish bildirmoqda.
Ushbu mavsumda fransiyalik yarimhimoyachi barcha musobaqalarda 15 o'yinda maydonga tushib 12 ta gol va 3 ta golga assistentlik qildi. Hozirgi kunda "Lion" safida Mariano-Fekir-Depay triosi jami 26 ta gol urgan va hozirda Yevropaning eng ko'p gol urayotgan uchligi hisoblanadi ("PSJ" a'zolari Neymar-Mbappe-Kavani uchligida 24 ta gol).
Nabil Fekir o'z yosh toifasidagi futbolchilar ichida eng iste'dodlilardan biri deya tan olingan edi. Misol uchun, Fekir 2014/15-yilgi mavsumda Fransiya chempionatining eng yaxshi yosh futbolchisi deb topilgan edi. Hozirgi kunda Fekirga "Real"dan tashqari "Barselona", "Manchester Yunayted" va "Yuventus" qiziqish bildirmoqda. Uning "Lion" bilan shartnomasi esa 2020-yilda yakuniga yetadi.
24 yoshli futbolchining o'zi esa o'tgan mavsumda Canal nashriga bergan intervyusida shunday degan edi: "Agarda Zidan ertaga meni o'z klubiga taklif etsa, men buni bajonidil qabul qilgan bo'lar edim", - deya fikr bildirgan edi.
Online
Bosh sahifaga