Yuklab olish"Real" "Xetafe"ga qarshi o'yinda Orelen Tchuamenining olgan sariq kartochkasiga e'tiroz bildirmoqchi.
Frantsiyalik yarim himoyachi La Liganing 33-tur o'yinining 2-bo'limida (1:0) Mauro Arambarriga nisbatan qo'pol harakat qilgani uchun ogohlantirish oldi. O'yin bayonnomasida bosh hakam Xose Mariya Sanches Martines Tchuamenining kartochkasini "to'p uchun kurashda ehtiyotsizlik bilan qoida buzish" deb izohlagan.
AS nashrining xabar berishicha, "Real" jamoasi bu vaziyatda Tchuameni to'pga o'ynagan deb hisoblayapti va yarim himoyachining sariq kartochkasiga e'tiroz bildirmoqchi. Ta'kidlanishicha, keyingi turda "Selta"ga qarshi o'yinda ogohlantirish olgan taqdirda, Orelen 11 may kuni "Barselona"ga qarshi o'yinda ishtirok eta olmaydi.
Online
Bosh sahifaga