Madridning "Real" klubi yarim himoyachisi Arda Gyulerga "Liverpul" qiziqish bildirmoqda.
20 yoshli futbolchi "qaymoqranglilar"ning asosiy tarkibiga kamdan-kam kiritiladi, shuning uchun mish-mishlar uni tez orada ketishi bilan bog'lashda davom etmoqda. CaughtOffside xabariga ko'ra, istiqbolli turk uchun da'vogarlar qatorida "Liverpul" ham bor.
Arda Gyuler joriy mavsum Karlo Anchelotti jamoasining 32 ta o'yinida maydonga tushib, 3 ta gol va 7 ta golli uzatmani o'z hisobiga yozdirib qo'ydi. Transfermarkt portali "Fenerbahche" sobiq yulduzining narxini 45 mln evroga baholamoqda.