Ispaniya kubogi tarixidagi ilk g'olib jamoani bilasizmi?

Madridning "Real" klubi joriy mavsum Ispaniya Kubogining yarim finalida "Real Sosedad"ni qo'shimcha daqiqalarda mag'lub etib, finalga chiqdi.

Yuklab olish

Madridning "Real" klubi joriy mavsum Ispaniya Kubogining yarim finalida "Real Sosedad"ni qo'shimcha daqiqalarda mag'lub etib, finalga chiqdi. Ikki uchrashuvdan keyin umumiy hisob 5:4.

Finalda "Real" "Barselona" - "Atletiko" juftligining eng kuchli jamoasi bilan o'ynaydi.

Ispaniyaning mashhur Marca nashri futbol bo'yicha ilk bor Ispaniya kubogini "Real", "Barselona" va hatto "Atletiko" ham qo'lga kiritmaganini eslatdi.

Tarixda ilk bor Ispaniya kubogi finali 1903 yil 8 aprelda Madridda "Real" va "Atletik" (Bilbao) o'rtasida bo'lib o'tgan. "Atletik" 3:2 hisobida g'alaba qozongan. Shu tariqa aynan "Atletik" tarixidagi ilk Ispaniya kubogi g'olibiga aylandi.

Eslatib o'tamiz, "Real Madrid" 2025 yilda 41 marta Ispaniya kubogi finalida o'ynaydi. Bungacha "Real" Ispaniya kubogi finalida 20 marta g'alaba qozongan va 20 marta mag'lub bo'lgan edi.

"Barselona" Ispaniya kubogi finalida eng ko'p g'alaba qozongan va 31 marta kubokni qo'lga kiritgan.

Aytib o'tganimizdek, tarixda ilk bor Ispaniya kubogi g'olibiga aylangan "Atletik" bu sovrinni 24 marta qo'lga kiritgan.

BestMaster
2 Aprel 2025, 22:30
ispaniya, kubogi, tarixidagi, golib, jamoani, bilasizmi?,