«Real Madrid» Vinisiusni qanchaga sotmoqchiligi ma'lum bo'ldi

Madridning “Real” klubi yozgi transfer mavsumida Vinisius Juniorni 300 mln evroga sotishga tayyor.

Yuklab olish

Madridning “Real” klubi yozgi transfer mavsumida Vinisius Juniorni 300 mln evroga sotishga tayyor. Bu haqida Football Transfers nashri xabar bermoqda.

So'nggi paytlarda yulduz futbolchilarni o'z safiga qo'shib olayotgan Saudiya Arabistoni klublari Vinisius uchun asosiy xaridor bo'lib turibdi. “Al-Ahli” va “An-Nassr” jamoalari braziliyalik futbolchiga 1 mavsum uchun 200 mln evrolik maosh taklif qilmoqchi.

Vinisiusning “Real” bilan munosabatlari yomonlashmoqda, chunki tomonlar hali yangi bitim bo'yicha bir qarorga kelgani yo'q. Shu bois ushbu transferning amalga oshish ehtimoli yuqori baholanmoqda.

Manbaga ko'ra, agar Vinisius transfer qilinsa, Madrid klubi uning sotuvidan tushgan 300 mln evroga yangi xaridlarni amalga oshirish haqida o'ylamoqda. Xususan, “Manchester Siti” hujumchisi Erling Holand “Real”ning asosiy maqsadiga aylanadi.

Ma'lumot uchun, joriy mavsumda Vinisius “qaymoqranglilar” safida 37 o'yinda maydonga tushib, o'z hisobiga 18 ta gol va 11 ta golli uzatma yozdirib qo'ygan.

Futbolchining “Real” bilan shartnomasi 2027 yilning yozigacha amal qiladi.

BestMaster
2 Aprel 2025, 22:00
«real, madrid», vinisiusni, qanchaga, sotmoqchiligi, malum, boldi,