Zidan bugun "Real" boshqaruvida 100-uchrashuvini o'tkazadi

"Real" bosh murabbiyi Zinedin Zidan bugun "Xetafe"ga qarshi uchrashuvda Madridliklar boshqaruvidagi o'zining 100-uchrashuvini o'tkazadi.

"Qirollik klubi" bosh murabbiyi sifatida 2016-yil yanvar oyidan buyon faoliyat yuritayotgan Fransiyalik mutaxasis shu kunga qadar "Real" futbolchilarini 99 marotaba maydonga olib chiqqan va shularning o'rtacha 75% qismini g'alaba bilan yakunlagan. Mag'lubiyatlar soni 8 taga teng. Jamoa mazkur 99 uchrashuvda 271 ta (o'rtacha 2.74 ta) gol kiritishga erishgan.

Zidan "Blancos"lar murabbiyi sifatida 99 uchrashuv davomida 2 marotabadan Chempionlar ligasi va Yevropa superkubogida, bir marotabadan La Liga, Qirol kubogi, klublar o'rtasidagi Jaxon chempionati va Ispaniya superkuboklarini qo'lga kiritgan. Bundan tashqari chempionlar ligasi turniri yangi formatga o'tkazilgandan buyon ushbu musbaqada ketma-ket 2 bor zafar quchgan ilk va yagona mutaxasis hisoblanadi. Uning boshqaruvida jamoa La Ligada mag'lubiyatsiz seriya (40 uchrashuv) borasida yangi rekord qayd etish bilan birga, ketma-ket 73 uchrashuvni golsiz tark etmagan holda dunyo rekordini takrorlashga muvaffaq bo'ldilar.

RealBlancos