Yuklab olish"Real Madrid" klubi telekanali Diego Simeonening hakamlik haqidagi so'zlariga javob qaytardi.
Madridning "Real" klubi Ispaniya kubogi 1/8 finalida "Selta"ni qo'shimcha bo'limlarda mag'lub etdi (5:2), asosiy vaqt durang bilan yakunlandi – 2:2. Birinchi bo'limda darvozabon Andrey Lunin yarim himoyachi Villiot Svedbergni jarima maydonchasi ichida ushlab qolganidan keyin bosh hakam Xose Munuera Montero qoida buzilishini qayd etmadi.
O'yindan so'ng "Atletiko" bosh murabbiyi ushbu o'yindagi hakamlarning qarorlari haqida gapirdi: "Bu yuz yildan beri sodir bo'lmoqda. Odamlar nimaga hayron qolishayotganini bilmayman".
"Men biroz xavotirdaman, chunki La Liga qaytdi va "Barselona" reaktsiyaga kirishguncha "Atletiko" bilan yakkama-yakka o'yin o'tkazadiganga o'xshaydi. "Atletiko" hakamlik tizimidan anchagina foyda ko'rayotgan jamoa. "Vik" sodir bo'lmagan penaltidan jabr ko'rdi, "Osasuna" yaqinda Ruben Garsiyaga nisbatan penaltidan shikoyat qildi, "Alaves" 1:0 hisobida g'alaba qozonayotgan paytda belgilanmagan penaltidan nolidi.
O'tgan yili "Real Madrid" "Atletiko"ga qarshi o'yinlarda hakamlik tizimi tufayli katta zarar ko'rgandi. La Liga 20/21 haqida nima deyish mumkin? "Atletiko" ushbu hakamlik tizimi evaziga g'alaba qozondi. Bu dunyodagi eng ko'p maosh oluvchi murabbiylardan birining jamoasiga qarshi o'yin oldidan tashvish", - dedi Xesus Alkayde "Real Madrid" klubi telekanalida.
Online
Bosh sahifaga