Yuklab olishKarlo Anchelotti Ispaniya Superkubogi finalida «Barselona»ning ustunligini tan oldi.
– Haqiqatga to'g'ri qarash kerak. Biz himoyada yomon o'ynadik, raqib osonlikcha gol urishga muvaffaq bo'ldi. Jamoaviy ham, shaxsiy darajada ham yaxshi harakat qilmadik. Bu bizga noxush ta'sir qildi.
– Luka va Tchuamenining o'yiniga qanday baho bergan bo'lardingiz?
– Men hech kimni alohida ajratib ko'rsatmoqchi emasman. Biz himoyada yomon o'ynadik. Jamoaga jipslashgan harakat etishmadi. Himoyani yaxshiroq tashkil qilishimiz kerak.
– Jamoaning o'yinini bir o'yinchi ko'p qolgandan keyingi darajasi sizga tashvish tug'diryaptimi?
– O'yin birinchi daqiqadan oxirigacha yomon o'tdi. Bir o'yinchi ko'p bo'lib qolganimizga qaramay, hech narsa yarata olmadik. Men uchun butun o'yin g'amgin kechdi.
– Agar raqib o'yinchini chetlatmaganida, yutqazish yanada og'irroq bo'lgan bo'larmidi, deb qo'rqmaysizmi?
– Raqib o'yinchi chetlatilgandan keyin vaziyatni o'zgartirishga harakat qilamiz, deb o'ylagandim. Boshqa narsa haqida o'ylamadim.
– O'zingizni noto'g'ri qaror qabul qilgandek his qilmadingizmi?
– Bu o'yinda yaxshi himoya qilish muhim edi. Biz himoyani yomon tashkil qildik va «Barselona» g'alabaga munosib o'ynadi. Ular bizdan yaxshiroq bo'ldi, – dedi «Real» bosh murabbiyi.
Online
Bosh sahifaga