Isko 2017-yil La Ligada eng ko'p gol kiritgan yarimhimoyachi

"Real" yarimhimoyachisi Isko Alarkon hozirga kelib 2017-yil taqvimi bo'yicha La Ligada eng ko'p gol kiritayotgan yarimhimoyachi hisoblanadi.

La Liga so'nggi turida "Espanyol"ga qarshi uchrashuvni dubl bilan yakunlagan Isko 2017-yildagi gollari sonini 10 taga yetkazib qo'ydi. Uning eng yaqin ta'qibchilari hisoblangan yarimhimoyachilar - Karrasko, Adrian Gonsalez, Xabi Prieto, Raul Garsiya hamda Xames Rodrigezlar hisobida 7 tadan gol mavjud.

Isko 2017-yildagi ilk golini "Granada" darvozasiga (dubl) yo'llagan bo'lib, keyinchalik "Las Palmas", "Alaves", "Osasuna", "Deportivo", "Sporting Xixon" (dubl) hamda so'nggi "Espanyol"ga qarshi uchrashuvda (dubl) qayd etdi.

RealBlancos