Ramos "Real" uchun 13 mavsumdan buyon gol urmoqda

"Real Madrid" sardori Serhio Ramos joriy mavsum ham jamoa uchun gol kiritgan holda "Qirollik klubi" uchun ketma-ket 13 mavsum davomida ushbu vazifani bajarishga muvaffaq bo'ldi.

Bu bilan "El Capitano" 13 mavsum "Real" uchun gol kiritgan 11-futbolchiga aylandi. Madridliklar uchun ilk golini 2005/06 mavsumda "Olimpiakos" darvozasiga kiritgan Ramos hisobida hozirda 69 ta gol mavjud. U eng ko'p golini (10 ta)o'tgan mavsum o'z nomiga yozdirgan holda shaxsiy rekordini qayd etgan bo'lsa, 2013/14 hamda 2014/15 mavsumlarda 7 tadan gol kiritishga erishgan. Ramos "Real" uchun kiritgan gollaridan 2 tasi (2014 hamda 2016-yil) jamoa uchun Chempionlar ligasi sovrinini yutib olishiga sababchi bo'lgan.

RealBlancos