Yuklab olish"Real Madrid" bosh murabbiyi Karlo Anchelotti Federiko Valverdening pozitsiyasi haqida gapirdi.
Urugvaylik futbolchi La Liganing yakshanba kuni bo'lib o'tgan "Leganes"ga qarshi uchrashuvida o'ng qanotdan himoyada maydonga tushdi va bu uchrashuv "qaymoqranglilar"ning 3:0 hisobidagi g'alabasi bilan yakunlandi. 66-daqiqada urugvaylik futbolchi raqib darvozasiga to'p kiritdi.
"Liverpul"ga qarshi o'yinda Valverde o'ng qanot himoyasida o'ynaydimi? Men uning "Enfild"da qanday pozitsiyada o'ynashini o'ylab ko'rishim kerak. Yarim himoyamiz juda yaxshi tuzilgan: Kamavinga yaxshi formada, Sebalos a'lo darajada o'ynadi, Modrich esa doim yaxshi.
Bugun Fede o'zini juda yaxshi ko'rsatdi. Men uchun u Karvaxal va Lukas Vaskesdan keyin dunyodagi eng yaxshi o'ng qanot himoyachisi," - dedi Anchelotti matbuot anjumanida.
"Liverpul" va "Real" o'rtasidagi uchrashuv 27 noyabr kuni bo'lib o'tadi.
Online
Bosh sahifaga