Yuklab olish"Real Madrid" jamoani ispaniyalik futbolchilar bilan kuchaytirmoqchi.
Relevo xabariga ko'ra, "Real Madrid" rahbariyati bir ovozdan klubning Ispaniya terma jamoasi va mamlakat ichki transfer bozoridagi o'rnini tiklash uchun yaqin vaqt ichida ko'proq ispaniyaliklar bilan shartnoma imzolashni qo'llab-quvvatlamoqda.
Keyingi bir necha transfer oynalarida "Real" asosiy e'tiborini ispaniyalik futbolchilarni ham, kelajakda terma jamoaga chaqirilishi mumkin bo'lgan futbolchilarni ham sotib olishga qaratmoqchi.
Qayd etilishicha, so'nggi bir necha yil ichida “Real Madrid” bilan shartnoma imzolagan ko'plab ispaniyalik futbolchilar klub rahbariyatining umidlarini oqlamagan, bu esa klubning xorijlik futbolchilarni sotib olishga e'tibor qaratishiga sabab bo'lgan.
Endi Ispaniyaning Evropa futbolidagi mavqei mustahkamlanib borayotgani fonida Madrid klubi transfer siyosatini o'zgartirish niyatida. Eslatib o'tamiz, noyabr oyida "Real Madrid"ning birorta vakili Ispaniya terma jamoasiga chaqirilgani yo'q.
Online
Bosh sahifaga